Çfarë dreqin është gabim me shoqëritë tona?
Momente gazmore e habie në këtë program special filmi të Anibar 14.
Kufijtë e realitetit thyhen dhe e papritura vihet në qendër të skenave të filmave që u shfaqën dje në programin special të filmit “WTF” të Anibar-it, në kuadër të edicionit të 14-të që po mbahet në Pejë.
Në një botë që shfaqet serioze në dukje, është koha për të përqafuar të çuditshmen, të habitshmen dhe të qeshurën, në fund të fundit “e kundërta e të qeshurit nuk është serioziteti, është realiteti”. Në këtë program filmash, realiteti lihet anash për pak kohë, dhe audienca ka mundësinë të zhytet në një koleksion prej 12 filmash të jashtëzakonshëm që ndezin shqisat dhe sfidojnë perceptimet tona.
Red Square
Në 5 minuta e 47 sekonda, Anatol Chechik na sjell në fantazmagorinë sovjetike të Rusisë.
Ding
Malte Stain nga Germanu Portrais në 4 minuta e 32 sekonda, një burrë që është i përhumbur nga një gjë e vogël dhe e shtyn në skajet e tij.
Not drifting off
Regjisori Steph Hope në bashkëpunim me producentët, Fus!, Glenn Huth Maeland, Slaqr,
Henrik Dyb Zëart, Michelle Simunovic dhe Julia Grimm krijuan historinë e Amy, e cila vjen ballë për ballë me mendimet e saj më të thella në formën e deleve të panumërta, dhe kërcimtarëve të ngjeshur, me muskuj mbështetës. Ky film vjen në Anibar të Pejës, përmes një bashkëpunimi të krijuesve nga SHBA dhe Norvegjia.
Speciale e Sunset
Nicolas Gebbe nga Germani na fton në 17 minuta e 30 sekonda në reflektimin e tij të vendndodhjes së përsosur të plazhit, partnerit të përsosur dhe hotelit më ekskluziv: realiteti i jetës së ëndrrave moderne kapitaliste.
Godzalina
Një bashkëpunim mes regjisores Lucile Paras dhe producentit Ensad – École Nationale Supérieure Des Arts Décoratifs, tregon historinë e një gruaje të re që po ngacmohet në rrugë dhe një krijese që i zvogëlon kundërshtarët e saj vetëm duke u ulëritur mbi ta, duke bashkuar forcat për t’u hakmarrë ndaj “meshkujve tepër ndërhyrës të filmit”. Historia është portretizuar në Paris.
Cuties
Një tregim vijues i vizatuar me dorë i historisë njerëzore në gjithë tmerrin dhe lavdinë e saj, duke kulmuar në kërcimin tonë të ardhshëm evolucionar. Një krijim nga Theo Ë. Scott nga MB.
Hotel Kaltura
Rosa ulet vetëm në barin e hotelit, duke pritur të ndizet. Një film nga Sophie Koko Gate nga Britania e Madhe.
Sed saepe kadencë
Gina Kamentsky nga SHBA, ju fton në historinë e vetmuar në shtëpi, në një pasdite me diell, një kohë e përkryer për të gëzuar në kopsht.
A Goat’s Spell
Një fëmijë dhe dita e saj e zakonshme. Një dhi e hutuar në shtëpi dhe disa aeroplanë lart në qiell. Më pas, gjithçka fillon të bjerë copë-copë. Dhia duket se është lidhja – nëse diçka është e lidhur fare. Ky film vjen si një bashkëpunim midis regjisorit Gerhard Funk dhe prodhuar nga Karsten Matern, Gerhard Funk Animation & Media Art.
Birds Whose Legs Break Off
Një sëmundje misterioze përfshin popullatën e shpendëve. Ky film vjen në Aanibar nga Holanda si krijim i Dirk Verschure.
Don’t Die on Me
Regjisori, Ori Goldberg në bashkëpunim me producentët Tohu Animation Collective, Ori Goldberg, rrëfen historinë e Mattit astmatik i cili kollitet sërish dhe sërish kur dëgjon fjalinë irrituese: “Mos vdis për mua!”, vetëm këtë herë do ta bëjë. Ky film vjen nga Izraeli në Kosovë, përmes Anibar,
Coucou Tchoutchou
Pikërisht si bota jonë. Provojeni dhe shikoni këtë krijim të Charlie Mars.
Ky program special u kurua bukur nga Sébastien Sperer, i cili që nga viti 2011 ka prezantuar më të mirat e Annecy në ngjarje të ngjashme dhe që nga viti 2013 organizon shfaqje filmash të shkurtër në burgje, shtëpi të kujdesit shëndetësor, bistro, kisha etj.
Kudo që të jetë, ai dëshiron ta bëjë animacionin të aksesueshëm për të gjithë, këtë medium ku çdo gjë është e mundur. Një lloj strehë fshati ku përvoja njerëzore ekziston e pafiltruar dhe e papërmbajtur. Me këtë në mendje, ai krijoi programin Midnight Specials “ËTF” në 2017.
I magjepsur nga fuqia mobilizuese e natyrshme në magjinë e filmit, lajtmotivi i tij është: “Promovimi i mirëkuptimit ndërkulturor nëpërmjet përdorimit të filmit të animuar, dialogut dhe transmetimit”.
Leonora Aliu
