Çdo që duhet të dini për programet e veçanta
Edicioni i këtij viti përfshin programe të veçanta të krijuara për të zgjeruar perspektivat tona duke shfaqur filma të kuruar me kujdes nën një temë specifike.
Çdo vit, Anibar bashkëpunon me artistë ndërkombëtarë për të kuruar programe speciale që trajtojnë çështje të ndryshme nga të cilat ne të gjithë mund të mësojmë. Ashtu si në vitet e mëparshme, Anibar do të shërbejë si vend për të eksploruar këto katër programe të ndryshme speciale:
Emri i programit: Scratch, Crackle dhe Pop: Filmat of Steven Woloshen
Kurator: Steven Woloshen
Vendi: Kinema Jusuf Gërvalla, Pejë
Data: 14 korrik
Ora: 16:00
Krijimi i filmave të animuar është shënuar nga veprat e Steven Woloshen që nga fillimi i viteve
nëntëmbëdhjetë të tetëdhjeta, kur ai prodhoi të parën nga 40 filmat e tij të punuar me dorë. Mbi
një duzinë retrospektiva të mëdha ndërkombëtare i kanë kushtuar kohë dhe vëmendje punës së
Woloshen. Ai shpesh konsiderohet si trashëgimtari artistik i Norman McLaren dhe Len Lye.
Me mjetet e tij unike, ai përqendrohet në ritmet vizuale, kompozimet grafike brenda kornizës,
paletat e ngjyrave dhe marrëdhëniet midis tingullit dhe imazhit. Filma si “Camera Take Five” dhe
“Two Eastern Hair Lines”, të dy të vlerësuar gjerësisht, demonstrojnë mjeshtërinë e Woloshen
për këto teknika. Në fakt, karriera e Woloshen është ndërtuar mbi këtë përpjekje të pandalshme
për të krijuar.
Gjatë këtij programi do të prezantohen disa nga filmat e shkurtër të animuar të Steven
Woloshen, të krijuara ndërmjet viteve 1983 dhe 2022.
Ky program është i mbështetur nga Ambasada e Kanadës në Zagreb.
Emri i programit: Bashkëkohësitë Queer
Kuratori: Kate Jessop
Vendi: Kinema Jusuf Gërvalla, Pejë
Data: 17 korrik
Ora: 16:00
Një brez i ri kineastësh është shfaqur vitet e fundit duke kuruar filma novator në zhanrin Queer
Animation, i cili është zhanër ende relativisht i ri. Secili prej këtyre filmave ofron një perspektivë
unike mbi kulturën queer dhe identitetin queer, nga identiteti gjinor në Purpleboy tek kultura e
hershme e bisedave në internet në Guy 101.
Një sërë qasjesh shfaqet nga realizimet antropomorfike narrative në vetën e parë në “I Like
Girls” deri te vizionet imagjinative të botës tjetër të udhëhequr nga grate e Entropia. Disa
përdorin humor dhe imagjinatë, disa janë tregime faktike të përvojave të jetuara. Nga e gjithë
bota, si Hungaria, Kanada dhe Izraeli, përmes “stop motion”, vizatimit me dorë ose piksilimit, e
vetmja gjë e përbashkët e këtyre filmave është një rrëfim tërheqës i përvojës njerëzore “queer”.
Emri i programit: Eksperimental
Kurator: Panot Mahmutaj
Vendi: Kinema Jusuf Gërvalla, Pejë
Data: 18 korrik
Ora: 16:00
Animatorë nga e gjithë bota po shfaqin filma të jashtëzakonshëm si pjesë e këtij programispecial.
Përveçse është pjesë e stafit tonë mahnitës, Panot Mahmutaj ka kuruar këtë program të
veçantë për ne! Një mundësi unike po i ofrohet stafit të Anibar për të shfaqur programin e tyre të
veçantë dhe për të eksploruar aspekte të tjera të animacionit.
Panot Mahmutaj e përshkruan programin me pyetjen: “Të perceptosh realitetin nuk mjafton më.
Sa larg mund të shkojë imagjinata dhe sa mund ta mbërrijë animacionin?”
Më tej, Mahmutaj shpjegon se: “Në këtë program do të gjeni veten në vijën e hollë mes
gjithçkaje dhe asgjëje, të inkurajuar të shtroni pyetje dhe jo të gjeni zgjidhje”.
Emri i programit: Animacioni ukrainas – “Para Luftës”
Kurator: Anastasiya Verlinska
Vendi: Kinema Jusuf Gërvalla, Pejë
Data: 19 korrik
Ora: 12:00
“Jetët tona ndryshuan përgjithmonë më 24 shkurt 2022. Jo vetëm ato ukrainase, por edhe ato evropiane.” – deklaroi Verlinska teksa shpjegoi kurimin e këtij programi.
Ky program i veçantë është kuruar me qëllim të përhapjes së ndërgjegjësimit për pushtimin rus të Ukrainës dhe një pamje të jetës së ukrainasve para luftës. Programi u shfaq gjatë ceremonisë së hapjes, dhe u prit mirë nga të pranishmit dhe komuniteti ndërkombëtar.
