Queer Toons – Programi i Veçantë
We are proud to announce Queer Toons.
Qëndrimi që mbajmë ndaj komunitetit queer dhe minoriteteve në përgjithësi flet shumë për ne si individë dhe si shoqëri.
Nëpërmjet mediumeve si filmi ne mund të komunikojmë në mënyrë efektive dhe të eksplorojmë tema që janë të rëndësishme për të kuptuar dhe për të bashkëndjerë me ta, të drejtat dhe përvojat e të cilëve ndryshojnë nga shumica.
Në këtë frymë, ne jemi krenarë të prezentojmë programin e veçantë për edicionin e 14-të të Anibar: Queer Toons.
Queer Toons është një përzgjedhje e kuruar e pesë filmave të jashtëzakonshëm, secili i krijuar duke përdorur teknika dhe metoda të ndryshme. Ky program synon të kapërcejë zbrazëtirën midis shikuesve dhe anëtarëve të komunitetit LGBTQIA+ duke paraqitur histori që hedhin dritë mbi sfidat unike me të cilat përballen gjatë gjithë jetës së tyre.
Marko Dješka është kuratori i programit Queer Toons të këtij viti.
Marko, i lindur në Osijek, Kroaci në vitin 1983, është animator i dalluar. Ai ka diplomuar në Akademinë e Arteve të Bukura në Zagreb, me specializim në animacion. Ai ka marrë pjesë në programe të shumta trajnimi, duke përfshirë Animation Sans Frontieres dhe një kurs shkrimi në La Poudriere në Francë.
Filmat e tij studentorë, ‘Slaughtered’ (2010) dhe ‘The Son of Satan’ (2012), u vlerësuan në festivale të ndryshme, me ‘Slaughtered’ që u ble nga El Rey Network, i producentit Robert Rodriguez. Në vitin 2016, filmi i tij ‘Ghost Town’ u nderua me çmimin prestigjioz Octavian në në Zagreb, duke e njohur atë si filmin më të mirë të animuar në prodhimin kroat.
Një nga krijimet e fundit të animuara të Markos, “All Those Sensations in my Belly”, ka marrë 25 çmime dhe përmendje, duke mahnitur audiencën në mbi 150 festivale në mbarë botën. Ky film i jashtëzakonshëm është shfaqur në ngjarje të njohura si Annecy në Francë, Festivali Outfest dhe Rhode Island në SHBA, Message to Man dhe Big Cartoon në Rusi, Animafest në Zagreb dhe OIAF në Otavë, ku mori çmimin për skenarin më të mirë.
Marko është edhe bashkëthemelues i Adriatic Animation Studio, i dedikuar për prodhimin e animacionit në Zagreb. Ai është një nga organizatorët e Festivalit OHOHO të Comics dhe Street Art që nga viti 2019. Marko gjithashtu ka kontribuar me talentin e tij në botime të ndryshme në mbarë botën, me komiket e tij të shkurtra që zbukurojnë faqet e shumë revistave.
Me një kurator të tillë, Queer Toons premton të jetë një përvojë e fuqishme. Ju ftojmë të bashkoheni me ne për për të parë filmat e këtij programi që do të sfidojnë stereotipet, do të ngjallin ndjeshmëri dhe do të frymëzojnë dialog.
Programin Queer Toon mund ta ndiqni në Kinema Jusuf Gërvalla me datë 18 korrik duke filluar nga ora 12:00. Për më shumë informata rreth filmave në programin Queer Toons, klikoni këtu.
