Anibar po kërkon gjeneratën e ardhshme të kritikëve të filmit 👀

Aktualisht po pranojmë aplikime për punëtorinë mbi kritikën e filmit. Kjo punëtori është një hyrje praktike në gazetarinë filmike brenda kontekstit të festivalit. Pjesëmarrësit do të ftohen të zhvillojnë më tej vështrimin e tyre kinemadashëse, të diskutojnë teorinë dhe praktikën e kritikës së filmit, si dhe të publikojnë punimet e tyre në zinën, revistën dhe faqen zyrtare të festivalit.

Pjesëmarrësit do të shkruajnë nën mbikëqyrjen editoriale të Amanda Barbour, kritike australiane e filmit dhe presidente e revistës më të vjetër online australiane për film, Senses of Cinema. Punëtoria do të mbahet në gjuhën angleze.

Kjo mundësi është e hapur për këdo mbi 18 vjeç që është i/e interesuar për diskutime serioze dhe të larmishme mbi kinemanë, nga Kosova, Maqedonia e Veriut, Shqipëria, Mali i Zi dhe Serbia. Ne do të mbulojmë shpenzimet e transportit dhe akomodimit për të ardhur në Pejë për punëtorinë më 11 korrik dhe për të marrë pjesë në festival nga 12 deri më 18 korrik 2026.

Për të aplikuar, dërgoni email në [email protected] me këto dokumente:

• CV-në tuaj
• Një mostër shkrimi prej rreth 300 fjalësh për një film
• Një letër motivimi ku shpjegoni pse jeni të interesuar për kritikën e filmit, çfarë shpresoni të përfitoni nga programi dhe çdo përvojë relevante që keni pasur (nuk ka problem edhe nëse nuk keni pasur përvojë të mëparshme!)

Afati për aplikim është mesnata e 30 qershorit 2026. Aplikantët do të njoftohen për rezultatin e aplikimit të tyre deri më 3 korrik 2026.

Ky aktivitet financohet nga Bashkimi Evropian. Përmbajtja është përgjegjësi e vetme e Anibar-it dhe nuk pasqyron domosdoshmërisht pikëpamjet e BE-së.

---

Amanda Barbour është kritike filmi e vlerësuar me çmime dhe presidente e Senses of Cinema, revistës më të vjetër online të filmit në Australi. Me formim në politikë, ajo ka shërbyer si këshilltare për media e senatorit të parë aborigjen për Viktorinë në Parlamentin Australian. Ajo lëviz ndërmjet teorisë dhe praktikës në art dhe politikë. Të dyja fushat kërkojnë analizë kritike të autorit, audiencës dhe estetikës së rrëfimeve që na tregohen.