Hajde me u mbushë energji prej natës së fundit!
E mbyllim bashkë me 20 Korrik në Parkun Karagaq.

Ethnically Plugged

"'Ethnically Plugged' filloi si një projekt në vitin 2004 si një dëshirë për të ripërtërirë meloditë e bukura shqiptare, duke i shkrirë ato në disa zhanre të ndryshme. Projektin u nis së bashku me shumë muzikantë të mrekullueshëm, si Luan Macula, Edon Ramadani, Xhemil Gjini dhe Agron Peni. Menjëherë pas publikimit të projektit të parë, i cili shkaktoi një jehonë të madhe, përfaqësuan Kosovën në Bienalen e Napolit.
"Ethnically Plugged" ishte emri që iu dha projektit të tyre 21 vjet më parë nga disa artistë që ishin bashkuar për të bërë atë që dinin më së miri: muzikë. Që nga fillimi, ishte e qartë se burimi do të ishin meloditë e vjetra shqiptare.
Ata kishin për detyrë t’u jepnin atyre një ngjyrë krejtësisht tjetër. Muzika e tyre bazohej në përpunimin e muzikës tradicionale shqiptare me instrumente të ndryshme dhe me një prirje drejt xhazit/fusion.

Labinot Sadiku

Labinot Sadiku—Lab S—është DJ, producent, kitarist dhe promoter nga Prishtina, i thelluar në skenën e muzikës elektronike në Kosovë. I ndikuar që në fillim nga shija eklektike e axhës së tij në disco-funk (Marvin Gaye, Prince, Donna Summer), elektronika evropiane (Kraftwerk, Daft Punk) dhe aktet sintetizatore të viteve '80 si Depeche Mode dhe Gary Numan, ai zhvilloi një estetikë unike që bashkon zhanre të ndryshme.