Edhe para pandemisë kosovarët ishin ekspertë të izolimit, duke marrur parasysh kufizimet e lëvizjes, por kjo na ka bërë ëndërrimtarë të shkëlqyeshëm. Tani jemi gati të çlirohemi në edicionin e 12-të të Festivalit të Animacionit Anibar, që i kushtohet tërësisht izolimit. Një paradoks i bukur, pasi që izolimi mund të jetë dhe i mirë! Të gjithë kanë nevojë për momente reflektimi me veten në mënyrë që të gjejnë paqen, dhe kjo u mundësuar nga karantina që na solli pandemia. Në anën tjetër, izolimi mund të nënkuptoj dhe errësirë. Ai na mbyllë sytë dhe mendjen, dhe mund të shndërrohet në ksenofobia, dhe vetmi të tmerrshme. Në Festivalin Ndërkombëtar të Animacionit Anibar 2021, do zhytemi së bashku në të gjitha aspektet e Izolimit.
