• TRANSPORTI

    TRANSPORTIMI

    Maqedonia:

    Përmes pikës kufitare të Hanit të Elezit nga ku pastaj duhet ndjekur rrugën regjionale për në Prishtinë dhe Pejë. Ndërsa përmes pikës kufitare të Globoqicës përmes rrugës regjionale Prizren – Gjakovë – Pejë.

    Shqipëria:

    Pikën kufitare Qafa e Morinës duke ndjekur rrugën regjionale nga Prizreni – Gjakova – Pejë, ndërsa përmes pikës kufitare Çaf-thanë mund të arini përmes Junikut në Pejë.

    Mali i Zi:

    Pika kufitare e Kullës e cila gjindet në veri të Pejës ka largësi vetem 30km nga qyteti i Pejës.

    Transportit ajror realizohet përmes aeroportit ndërkombëtar të Prishtinës i cili gjindet 70km larg nga qyteti i Pejës. Në aeroport mund të gjeni taxi për të aritur në Pejë. Për më tepër informata mund të shiqoni webfaqen www.airportpristina.com

    Transporti hekurudhor poashtu është një nga mundësit që mund ta shfrytëzoni për të aritur në Pejë. Është funksionale lidhja Maqedoni – Prishtinë – Pejë. Për më tepër informata vizito www.kosovorailways.org

    Transporti rrugorë me autobus është mjaft i zhvilluar. Linjat e autobusve pothuajse veprojn qdo ditë nga shtetet që e rrethojn Kosovën e poashtu edhe nga shtetet tjera te Evropës.

  • AKOMODIMI

    AKOMODIMI

    Vizitorët që do të vizitojnë qytetin e Pejës gjatë ditëve të festivalit do të kenë disa mundësi akomodimi në këto lokacione:

    Kampi

    Kampi gjindet në parkun e madh të qytetit në Karagaq. Mund te arrihet duke ecur 6 minuta nga qendra e qytetit.Pagesa për kamp është 2 euro për natë. Vizitorët e kampit mund ti sjellin vete tendat e tyre apo të marim tende me qera. Kampi ofron kushte per Camping, dush, WC.

    Hotelet

    Në Pejë ka edhe shtëpi private të cilat do të ofrohen për vizitorët e festivalit, për të gjitha informatat rreth akomodimit mund të drejtoheni gjatë festivalit 05-10 Gusht në tavolinën e informative që gjindet në qendër të qytetit (Korzo), përball Hotel Dukagjinit.

    Numri kontaktues për akomodim: 049 51 21 51

    Për më shumë informata rreth Pejës, qëndrimit në Pejë si dhe informatave turistike, drejtohuni në: http://www.pejatourism.org/en/index.html

  • Rregullat dhe Pytjet e shpeshta

    Rregullat
    Përdorimi i telefonave mobil gjatë shfaqjes së filmave është e ndaluar.
    Bisedat gjatë shfaqjes së filmave i pengon personat film dashës, të cilët janë pjesëmarrës
    të të njëjtës shfaqje, ju lutem mbani qetësi dhe respektoni shokët tuaj.
    Laserët janë të ndaluar.
    Subtanca joligjore dhe të ndaluara me ligj nuk lejohen.
    Ruajini gjërat personale.
    Hudhini mbeturinat në koshin e plehrave. Ju lutem mos i hudhni në tokë.
    Pirja e duhanit dhe lëngjet nuk lejohen brenda kinemave të mbyllura.
    Secili do të kontrollohet tek hyrja: gjërat të cilat konsiderohen të rrezikshme nga organizata do të konfiskohen. Në rast konfrontimi, sigurimi ynë thotë fjalën e fundit dhe udhëzimet e tyre duhen të ndiqen menjëherë.
    Programi ditor është i hapur për të gjitha moshat. Programet për fëmijë janë pa pagesë.
    Sillni kostumet e juaja qesharake 🙂 Vishuni si karakteri juaj i preferuar, njerëzve u pelqen kjo gjë.
    Rregulli kryesorë: Shijoni festivalin sa më shumë që të jetë e mundur!

    Leave no trace
    Anibari e do etikën e ”Mos lini gjurmë” Pasi që festivali ynë do të jetë kryesisht i vendosur në vende me gjelbrim.
    Ne shtyjmë që të përdoren këto shtatë parime të cilat janë rregullat e Mos Lini Gjurmë!
    -Planifikoni më parë dhe Përgadituni
    -Jini të kuptueshëm ndaj të tjerëve
    -Respektoni kafshët dhe jetën e egër
    -Udhëtoni dhe bëni kampingje në Tokë të Fortë
    -Atë çka gjeni mos e prekni
    -Vendosini mbeturinat në vendin përkatës
    -Zvogëloni efektet e zjarrit

    Informata të përgjithshme

    Cili është vendi i parë që mund të shkojë kur të vijë në Pejë?
    Shkoni tek Kabina jonë e Informatave në qendër të qytetit. Mund të merrni të gjitha drejtimet atje, vullnetarët tanë mund t’ju shoqërojnë nëse nuk mund të gjeni rrugët!

    Si mund të gjindem në Pejë, nuk e njoh qytetin?
    Festivali ka projektuar një hartë vetëm për pjesëmarrësit. Mund ta gjeni të printuar
    në program dhe në ueb faqe.

    Dua t’i shoh filmat e mrekullueshëm, ku mund t’i gjej biletat?
    Biletat mund t’i gjeni tek hyrja e secilit vendtakim, por ju sugjerojmë që t’i blini biletat
    gjatë ditës tek Kabina e Informatave. Kush zgjohet herët në mëngjes i ka dy nafaka.
    Bileta kushton 1 euro.

    Nuk e di orarin e festivalit, si mund të informohem?
    Mund t’i gjeni programet e printuara gjithandej nëpër vendtakimet tona, ku mund të gjeni informata për filma, ngjarjet, panelet, punimet dhe festat.

    Cila është ngjarja e parë e festivalit?
    Ceremonia e Hapjes! Të enjten më 20 Gusht në ora 9:00pm në Kinemanë Jusuf Gërvalla!

    Dua t’i blej ca gjësende të festivalit, si: Bluza dhe Çanta, ku?
    Kabina e Informatave!

    Kam humbur gjërat personale, çfarë të bëj?
    Kontaktoni menjëherë stafin e festivalit. Nëse nuk keni fat që t’i gjeni, ju lutem shkoni tek
    Kabina e Informatave dhe plotësoni një formular. Ne do të kujdesemi për Humbur dhe Gjetur.

    Kam gjetur diçka që nuk është e imja, por nuk e di se kujt i përket, ç’të bëj me të?
    Dërgojeni tek Kabina e Informatave – Humbur dhe Gjetur. Lini emrin e juaj nëse doni që ai person
    t’ju qeras me një pije – ky është rregull 🙂

    Ku mund të marr kalimin tim falas?
    Mund të merrni kalimin falas tek Kabina e Informatave (shumë punë për ta, hëh?)

    Informatat e Programit
    Dua të takoj disa krijues të filmave, si mundësohet kjo?
    Mund të merrni pjesë në ngjarjet e përditshme që quhen Takohuni me Krijuesit e Filmave
    dhe Prezantime në Kinemane Jusuf Gërvalla, çdo ditë nga ora 14:00 deri në 16:00.

    Ç’po ndodh tani në festival?
    Mund të lexoni kopjen tuaj të programit të festivalit dhe të konsultoheni me katalogun
    e filmave. Ose mund t’i bëni download programit tonë të mrekullueshëm në Apple Store
    dhe të informoheni e të njoftoheni saktësisht në kohën e duhur. Gjithashtu: www.anibar.com ose facebook.com/anibarfest

    A janë të gjitha ngjarjet të hapura për publikun?
    Janë të gjitha të hapura për publikun. Punimet, panelet, prezantimet, dhe sigurisht shfaqjet e filmave.

    A do të kem mundësinë të mbush telefonin tim pa bateri në vendtakimet e festivalit?
    Sigurisht që po! Ne po mundohemi të instalojmë rrymën edhe në pjesët më të egra të Parkut Karagaq.

    Informata të bazuara në vendtakime:

    Parku Karagaq

    Ku mund të gjejë ujë?
    Karagaqi i bukur ka fontanën e saj me ujë të pastër i cili buron nga Malet e Rugovës.

    Ku mund të gjejë ushqim gjatë qëndrimit tim në Karagaq?
    Do të ketë shitës që do të kenë ushqim dhe pije freskuese tërë kohën.

    Ka parkim në vendtakimet e festivalit?
    Parku Karagaq ka parkingun e tij. Gjindet menjëherë tek hyrja e vendtakimit.

    A është Peja një vend që i do biçikletat?A mund të vijë me biçikletë dhe a do të kem vend ku ta vë në çelës?
    Peja i do biçikletat! Megjithatë nuk kemi vend të veçantë për biçikleta në pjesët e festivalit.
    Ja një ide: përdorini shtyllat që ndriçojnë parkun! PMRT – Parko me riskun tënd.

    A është uji i Liqenit të Kinemasë i pastër për të notuar?
    Nëse nuk ju pengon të notoni me bretkosa, atëherë vazhdoni 🙂 Por mund të ruani shpirtin tuaj të egër për një ecje në Malet e Rugovës, dhe të gjeni një vend të rehatshëm në anën e lumit dhe të vazhdoni!

    Kampi

    Si mund të futem në listën e kampistëve të festivalit?
    Mund të regjistroheni tek hyrja e kampit. Pagesa është 2 euro.

    A duhet të sjellë tendën time?
    Festivali nuk ju pajis me tenda (ende jo)

    A ka tualete dhe dushe në vendndodhjen e kampingut?
    Jo nuk ka, por në natyrë ju mund të gjeni zgjidhje.

    A do të ketë dollapë në kamping?
    Fatkeqësisht jo, por kampi do të jetë i siguruar nga kompanitë private.

    A do të mund të ha ushqim kur të dua brenda kampit?
    Kampi do të ketë shitës që do të kenë ushqim dhe pije. Gjithashtu, mund ta merrni ushqimin brenda.

    Dua t’i ndjejë përvojat e kampingut, si t’ja bëj?
    Sillni shtratin tuaj. Ndoshta batanijet dhe çarçafët do ta bëjnë vendin më të rehatshëm.
    Sillini lojërat e juaja, frizbi, top, letra për të luajtur, instrumentet,
    dhe marshmallow për t’i pjekur çdo natë në zjarrin e ngrohtë 🙂 Mos harroni të merrni një dritë!

    Kinematë

    Sa kinema ka Anibar?
    Kemi katër kinema: Kinemanë Jusuf Gërvalla – gjithashtu edhe zyrat qëndrore
    Kinemaja Liqeni tek Parku Karagaq
    Kinemaja Kubëzat tek Parku Karagaq
    Kinemaja Përbindësh – Kinemaja për Fëmijë (Teatri Jusuf Gërvalla)

    Si mund t’i gjejë?
    Mund të gjeni një kopje të programit në ueb faqen tonë.

    Si mund të marrë një barkë me qera për të shikuar filmat në ujë dhe nën yjet e Kinemasë Liqeni?
    Mund të bleni kalimin tuaj tek hyrja e vendtakimit. Mund të ndani barkën me një shok!

    Si mund ta dijë cilët filma janë për fëmijë dhe cilët për të rritur?
    Kinemaja Përbindësh (Teatri Jusuf Gërvalla) i përkushtohet animacionit për fëmijë. Gjithçka tjetër është për të rritur!
    Përmbajtja e filmit gjithashtu, sigurohuni të gjeni kinemanë e duhur për ju 🙂

    A do të ketë ndonjë lloj spjegimi për filmat?
    Po, para secilës shfaqje do të ketë një prezantim për përmbajtjen e filmit.

    Sa do të zgjasë një shfaqje e filmit?
    Pasi që filmat janë animacione të shkurtëra, një shfaqje e tyre do të zgjasë 50-60 minuta.
    Megjithatë, do të ketë edhe disa filma të ri karakteristik që do të zgjasin nga 90 minuta.

    After Parties

    Kush po kall skenën sonte? Listën ju lutem?
    Shikoni programin! Çdo natë dy deri në tre muzikantë do të kallin trurin tuaj 🙂

    Sa kushton pagesa e biletës?
    2 euro.

    A do të ketë edhe aktivitete lidhur me animacione?
    Për të sjellur shpirtin e animacionit, ne do të lëshojmë disa Video Klipe të Animuara
    të cilat kanë muzikë të mrekullueshme! Qysh e do vendi, e bo kuvendi.

    Kur përfundojnë festat?
    Në orën 2:00 të mëngjesit.

    Informata për sigurim.
    Nëse më duhet të thërrasë ambulancën ose zjarrëfikësat, si është numri i tyre?
    Do të mund të gjeni makina të policisë dhe ambulancës gjithandej, por për çdo rast:
    Policia 122
    Ambulanca 92
    Zjarrëfikësat 93.

  • Shkarko flayer-in