Përvoja kosovare, në asnjë rrethanë, nuk mund të konsiderohet e plotë pa një kafe të mëngjesit, me të cilën trajtoni dhe përfundimisht zgjidhni çështje që variojnë nga ato personale në ato globale.

Ndërsa ekspertiza është e parëndësishme dhe e panevojshme për shumicën e këtyre diskutimeve, nga data 19 deri më 23 korrik, për ndryshim, do të keni mundësi të dëgjoni nga ekspertë të vërtetë.

Na takoni në Exit Bar nga ora 10:30 çdo ditë të festivalit, për të biseduar me kineastët e disa prej filmave të shfaqur një natë më parë.

Ky ritual i yni i quajtur “Kafe dhe biseda”, ku përfshihen disa raki aty-këtu, është një mundësi e mrekullueshme për t'u lidhur me mysafirët tanë dhe për të kuptuar më mirë gjithçka në lidhje me animacionin.